Arrain Azoka 2019 – EUS

• Sare sozialetara igotzen den argazki bakoitzeko, BTWCk euro bat bideratuko du Minbiziaren Aurkako Elkartearentzat. Euro hori Bizkaiko CIC Biogune Ciberehd zentroak egingo duen ikerketa finantzatzeko erabiliko da, atunaren kontsumoak gibeleko minbizia prebenitzeko dituen onurak aztertzeko.

• #Bermeotunaminbiziarenaurka eta #Bermeotunacontraelcancer elkartasun-kanpaina maiatzaren 9an hasiko da, eta maiatzaren 20ra arte egingo da. Horrela, atuna, ikerketa eta elkartasuna ardatz dituen ekimen honek protagonismo berezia izango du Bermeoko Arrain Azokan datorren maiatzaren 17an, 18an eta 19an; izan ere, han Minbiziaren Aurkako Elkarteak eta CIC Biogune zentroak stand bat izango dute azoka-esparruan, beren lana ezagutarazteko eta ikerketa-proiektu honi buruzko xehetasunak eskaintzeko.

• Gainera, modu ludikoan, Arrain Azokako hainbat gunetan —arrantzaleen kofradia zaharreko elkartasun-gunean eta pintxoen dastatze-gunean, besteak beste—, bertaratutakoek photocall dibertigarriak izango dituzte atuna jaten ari diren argazkiak ateratzeko eta sare sozialetara igotzeko.
  

• Kanpaina hau Bermeon aurkeztu da, BTWCko presidentea den Bittor Oroz bertan zela; Bermeoko alkatea eta Arrain Azoka elkarteko presidentea den Idurre Bideguren; Bizkaiko Minbiziaren Aurkako Elkarteko gerentea den Gabriel María Otalora; CIC bioGUNEko Liver Disease laborategiko zuzendaria den Malu Martinez Chantar; CIC bioGUNEko Liver Disease arloko ikertzaile seniorra den Teresa Cardoso Delgado; eta CIC bioGUNEko Liver Disease arloko ikertzailea den Iker Oyenarte.
  
  
• Proiektu hau Bizkaiko CIC Biogune-Ciberehd ikerketa-zentroan egingo da, María Luz Martínez Chantar doktorearen laborategian, eta helburu nagusia gibeleko minbiziaren eredu preklinikoetan Omega3 gantz-azidoek dituzten efektu onuragarriak ebaluatzea da. Atunak osasunerako onura ugari ditu: Omega3an aberastuta dago, antioxidatzaile indartsua da, eta memoria zein ikusmenaren osasuna hobetzen laguntzen du. Gainera, bizimodu osasuntsua mantentzen laguntzen du, gehiegizko pisua eta obesitatea erregulatuz, eta istripu kardiobaskularrak izateko probabilitatea murrizten du.
  
  
• Era berean, ikertzaileen arabera, atunaren kontsumoak gibeleko minbizia izateko arriskua murrizten du. Horregatik, #Bermeotunaminbiziarenaurka eta #Bermeotunacontraelcancer elkartasun-kanpainaren garrantzia azpimarratzen da, kontuan hartuta, gainera, gibeleko minbizia mundu osoan ohikoen den seigarren minbizia dela eta Estatuan urtean 3.000 kasu antzematen direla. Mundu osoan minbiziaren ondoriozko heriotzen bigarren kausa da.

Beraz, pertsona guztiei maiatzaren 9tik 20ra bitartean atuna jaten ari diren argazki bat atera eta sare sozialetara igotzeko deia egiten diegu, #Bermeotunaminbiziarenaurka edo #Bermeotunacontraelcancer traolarekin; horrela, gibeleko minbizia prebenitzean atunaren onurak ikertzeari laguntzen ariko direlako.