Atunaren iraunkortasunaren aldeko aliantza globalaren parte izan!

Atuna planetako arrantza-baliabide garrantzitsuena da.

Munduan gehien kontsumitzen den itsas proteina da: munduko arrantzaren balioaren % 20 da, eta enplegua, elikadura eta kultura mantentzen ditu kostaldeko hainbat lurraldetan.

Iraunkortasuna bermatzea ez da ingurumen-erronka hutsa: erronka estrategikoa, ekonomikoa eta soziala da, eta mundu osoan du eragina.

Bermeon jaio eta munduari begira dagoen lidergoa

Bermeo Tuna World Capital (Bermeo Tuna) elkarte publiko-pribatu aitzindaria da, eta, 2018tik, atunaren balio-kateko eragile nagusiak biltzen ditu, helburu komun batekin: Bermeo jasangarritasunaren nazioarteko erreferentzia bihurtzea.

Gaur egun, nazioartean aintzatetsitako 40 erakunde baino gehiago (flotak, kontserbak, industria laguntzailea, enpresa teknologikoak, erakunde zientifikoak eta erakunde publikoak) tradizioa, berrikuntza eta konpromiso soziala lotzen dituen aliantza horren parte dira.

Bermeotik, iraunkortasun integraleko eredu bat bultzatzen dugu (360º), ozeanoak zaintzen dituena, sektorean lan egiten duten pertsonak babesten dituena eta lurraldeetan balioa sortzen duena.

Sektore indartsua, erronka globala.

Euskal atun-sektorea erreferente bat da munduan:

• Munduko tunido tropikalen harrapaketen % 10 Bermeoko enpresetako atunontziek egiten dute.
• Euskadiko atunaren balio-kateak 1.250 milioi euro baino gehiago sortzen ditu urtean.
• Berrikuntzan, teknologian eta arrantza-jardunbide egokietan punta-puntako industria da.

Baina testuingurua zorrotza da: baliabideen gaineko presioa, klima-aldaketa, legez kanpoko arrantza eta lehia desleiala.

Horren aurrean, iraunkortasuna frogatu, neurtu eta defendatu egin behar da.