Bermeo Tuna elkarte publiko-pribatu aitzindaria da munduan, eta atunaren balio-kate osoa biltzen du helburu komun batekin: Bermeo atunontziaren sektoreko jasangarritasunaren nazioarteko erreferentzia bihurtzea.

Helburu horrekin, 2018az geroztik, sektorean iraunkortasuna bultzatzen ari gara, arrantzarako etorkizun oparoa eta arduratsua lortzeko.

Gure elkarteak gaur egun 40 erakunde baino gehiago ditu elkartuta, atunaren eta hegaluzearen balio-katearen funtsezko eragileak:

Zuzenean eta zeharka lotuta dauden enpresa liderrak: erauzketa-enpresak, kontserba-enpresak, industria laguntzailea, teknologia, gastronomia, berrikuntza... Balio-kateko katebegi guztiak irudikatzen dituzte.
Erakunde zientifikoak.
Erakunde publikoak: Eusko Jaurlaritza, Bizkaiko Foru Aldundia eta Bermeoko Udala.

Atunaren balio-katean eredu iraunkorra eta inklusiboa bultzatzeko asmoz sortu zen elkartea, herritarren kontzientzia eta berrikuntza sustatuz eta inplikatutako eragile publiko, pribatu eta sozialen arteko lankidetza indartuz.

Gure konpromisoa argia da: ozeanoak eta haien ekosistemak babestea, eta sektorean lan egiten duten pertsonen ongizatea bermatzea, haien eta lan egiten dugun komunitateen garapenari lagunduz.

Etorkizuneko historia

Atuna planetako arrantza-baliabide garrantzitsuena da.
Munduan gehien kontsumitzen den itsas proteina da, munduko arrantzaren balioaren % 20 hartzen du eta herrialde askotan enplegua, elikagaiak eta kultura ziurtatzen ditu.

Gaur egun, atun-sektoreak erronka handi bati egin behar dio aurre: gehiegizko ustiapenaren, klima-aldaketaren eta munduko eskariaren presioaren testuinguruan bere iraunkortasun integrala bermatzea.

Bermeotik – Atunaren Munduko Hiriburu historikoa – lidergo globala hartu dugu, atunak bizi-, garapen- eta etorkizun-iturri izaten jarrai dezan.

Gure balioak

Oraina eta etorkizuna ulertzeko modu bat partekatzen dugu

Bermeo Tunan atunaren sektorearen oraina eta etorkizuna ulertzeko modu bat partekatzen dugu: pertsonekiko eta inguruarekiko erantzukizunetik, lankidetzatik eta konpromisotik abiatuta.

Gure balioek aliantza horren funtsa islatzen dute, eta gure komunitateari arrantza-jarduera jasangarri, berritzaile eta sustraitua bermatzeko ekiten dugun ekintza bakoitza gidatzen dute.

Iraunkortasuna

Ozeanoen arrantzan eta kontserbazioan jardunbide arduratsuak eta giza eskubideak bermatzeko konpromisoa.

Tokiko errotzea

Bermeorekin, haren historiarekin eta arrantza-komunitatearekin lotura estua izatea.

Berrikuntza

Zientziaren eta teknologiaren aldeko apustua egitea, iraunkortasunean eta kalitatean lider izateko.

Gardentasuna

Bermeo Tunaren eta hari lotutako marken praktika eta balioei buruzko komunikazio zintzo eta ireki baten bidez konfiantza eraikitzea.

Kalitatea eta nutrizioa

Kalitate handiko produktuak eta lehengaiak hornitzea, osasungarriak badira eta kontsumitzailearen ongizatea bermatzen badute.

Aliantza

Aliantza publiko-pribatuak sustatzea eta balio-kateko eragile guztiak helburu komun baten inguruan batzea.

Helburuak

Zientzia, arrantza eta gizartea lotuko dituen kudeaketa-eredu iraunkorra eraikitzea posible eta beharrezkoa dela uste dugu.

Gure helburuek tokian tokikotik globalerantz inpaktua sortzeko borondatea islatzen dute, ezagutza, berrikuntza eta Bermeori bizia ematen dioten itsasoarekiko, pertsonekiko eta kulturarekiko errespetua sustatuz.

Zientziaren eta arrantzaren arteko lankidetza sustatzea

Ezagutza, prestakuntza eta berrikuntza sustatzea

Kulturen arteko esperientzien trukea sustatzea

Ondare historia berreskuratu, kuadeatu eta zabalkundea egitea

Bermeo herriaren garapen ekonomiko eta soziala sustatzea

Ozeano osasuntsuagoak lortzeo proiektuak sustatzea

Zergatik Bermeo

Bermeok atunaren sektorearen inguruko jardunbide egokien eta iraunkortasunaren aldeko mugimenduaren buru izatea du helburu.

Bere tradizio eta historiagatik

Bermeoko ontziek 1956an eta 1965ean egin zituzten “Dakar kanpainak” mugarria izan ziren tunidoen arrantzan.
1961ean sortu zen PEVASA, gaur egun lanean jarraitzen duen lehen atun-enpresa. Urte batzuk geroago, 1964an, sortu ziren ECHEBASTAR, S.A. eta COATUMBER TALDEA, inguraketako lehen bi izozkailu handiak eraiki zituzten lehen bi enpresa handiak: ALAKRAN eta ALBONIGA.

Atunaren eta kontserbaren sektoreak Bermeo herrian, Euskadin eta nazioartean duen eragin sozial eta ekonomikoagatik.
Arrantza jasangarriko praktikarik onenen munduko erreferentea izateagatik:

ANABAC y OPAGAC erakundeek Praktika Onen Kodea ezarri dute, eta, horren baitan, atuna modu jasangarrian eta arduratsuan harrapatzen laguntzeko neurriak daude.

Zientziaren alde egiteagatik iraunkortasunerako:
AZTI erakunde zientifiko liderra eta munduko erreferentzia da atunaren gaineko ikerketaren arloan, eta praktika onen eta iraunkortasunaren aldeko proiektuetan parte hartzen du.
Euskal atun.-sektorearen indarra

- Tunido tropikalen munduko harrapaketen % 10 basea Bermeon duten itsasontzietatik dator.
- Euskadiko atunaren balio-kateak 924 milioi euro sortzen ditu urtean.
- 3.100 enplegu zuzen baino gehiago atunontzi izozkailuaren sektorean.
- Puntako industria: 50 atunontzi izozkailu baino gehiago eta arrantza jasangarriko sistemak eta MSC ziurtagiria dituzten baxurako 20 itsasontzi.
- Berrikuntza eta teknologia: Munduko atunontzi modernoenen ia % 90 made in Euskadi da.
Irudikatzen dugun tunidoen ekosistemak tradizioa, berrikuntza eta konpromiso soziala uztartzen ditu.

Gure misioa

Bermeo Tuna-k atun-sektorearen iraunkortasun integrala sustatzen eta defendatzen du honako hauetarako:

➜ Itsas espezieen eta ekosistemen zaintza bermatzea.

➜ Kate osoan lan- eta gizarte-baldintza duinak bermatzea.

➜ Jatorrian eta tokiko komunitateetan balioa sortzea.

➜ Kontsumitzaileak erosketa arduratsuan heztea.

Bermeo Tuna

Gure Sarea

Bermeo Tuna: Atun-sektorearen etorkizunaren aldeko aliantza