Atunaren Iraunkortasunaren aldeko Nazioarteko Adierazpena
Atuna eta haren ekosistemak babesteko konpromiso partekatuen esparrua, balio-kate osoan ingurumenaren, gizartearen eta ekonomiaren iraunkortasuna indartuz.
Atunontzi izoztaileen sektoreko balio-katea eta horren inpaktu ekonomikoa
Atunontzi izoztaileen sektorea: ekonomia urdinaren motorra
Euskadiko atunontzi izoztailearen balio-kateak 3.100 pertsona enplegatzen ditu eta 924 milioi euroko eragin ekonomikoa du Euskadin, Bermeo Tuna World Capital (BTWC) elkarteak Azti zentro teknologikoaren laguntzarekin egindako ikerketa baten arabera.
Analisia 2015., 2016. eta 2017. urteetako datu ofizialekin egin da, eta tunido tropikalei erreparatu die, hau da, atun moja (Thunnus obesus), hegal hori (Thunnus albacares) eta marradun (Katsuwonus pelamis) espezieetakoei, hiru horiek osatzen baitituzte gehienbat atunontzi izoztaileen harrapaketak. Espezie horiek batez ere kontserba moduan iristen dira kontsumitzailearengana, atun eta hegaluze izendapenekin.
M€
Inpaktu ekonomiko zuzena EAEn (448 milioi euro arrantzan eta 476 milioi euro eraldaketan)
Euskal atunontzi izoztaileen sektorean zuzenean enplegatutako pertsonak
M€
Euskal enpresek mundu mailan urtero eragiten duten inpaktu ekonomikoa.
Mundu osoan sortutako enpleguak guztira (zuzenekoak eta zeharkakoak).
Ikerketaren arabera, sektoreko euskal enpresek 1.969 milioi euroko inpaktu ekonomikoa sortzen dute urtean munduan, eta horietatik 924 milioik zuzenean eragiten dute EAEn (448 milioi arrantzan eta 476 milioi eraldaketan).
Gainera, euskal atunontzi izoztaileek 29.117 lanpostu sortzen dituzte, zuzenean eta zeharka; horietatik 3.100 EAEn geratzen dira, eta gainerakoak munduko hainbat lekutan banatzen dira.
Atunontzi izozkailuaren balio-kateak estatu, eskualde eta toki mailan duen eragin ekonomikoa aztertzen duen lehen azterlana dugu hau, eta Bilbon aurkeztu zen 2019ko azaroan.
