PRENTSA OHARRA 2025.07.8

Bermeo Tuna, UN Etxea eta Local2030 berriro hautatuak NBEn Goi Mailako Foro Politikoan ekitaldi berri bat antolatzeko, Euskaditik atunaren balio-katearen iraunkortasunean egindako aurrerapenak ikusarazteko

Bermeo Tuna World Capitalek New Yorkeko HLPF (High-Level Political Forum) en aurkeztuko du ODS 14aren benetako kokapen esperientzia, inpaktu globalarekin

Bermeo, 2025eko uztailaren 8a – Nizan atunaren balio-katea jasangarritasunaren erreferentzia gisa kokatzeko hasitako lanaren ondoren, Bermeo Tuna World Capital (Bermeo Tuna), UN Etxea eta Local 2030 taldeak osatutako tandema aukeratu dute ekitaldi paralelo berri bat (side event) antolatzeko Nazio Batuen New Yorkeko Goi Mailako Foro Politikoaren (HLPF) esparruan, non ODS 14rako aurrerapenak jorratuko diren: Itsaspeko bizitza.

Topaketa honek Bermeo Tunako esperientziari balioa emango dio, GJHen kokapenaren kasu eredugarri gisa, bereziki 14. GJHren kasuan, eta bera presente dagoen lurraldeen garapen ekonomiko, sozial eta ingurumenaren aldetik iraunkorrari egiten dion ekarpenari. Bermeoko eta Euskadiko tokiko ekosisteman sustrai sendoak dituen eredua da, baina eragin globala du Bermeoko atun-flotak lan egiten duen portu eta lurraldeen bitartez.

Ekitaldian, Atunaren Jasangarritasunaren aldeko Nazioarteko Adierazpena ere aurkeztuko da, Bermeo Tunak sustatua, sektoreko eragile publiko eta pribatuak iraunkortasunaren, ekitatearen eta erantzukizun partekatuaren printzipio komunen inguruan lerrokatzea bilatzen duena.

Ekitaldia Bermeo Tunaren eta UN Etxearen arteko lankidetza-esparrua indartzeko aukera izango da, euskal jardunbide egokiak nazioartekotzera eta garapen iraunkorreko foro globaletan aliantza estrategikoak finkatzera bideratuta.

Jasangarritasunean euskal lidergoa ikusarazteko bi ekitaldi: itsasotik mahaira

HLPFean parte hartzen duela eta, Bermeo Tunak eta haren aliatuek bi topaketa estrategiko antolatuko dituzte New Yorken uztailaren 16an eta 17an. Topaketa horiei esker, nazioartean kokatu ahal izango da tunidoen arrantzari eta transformazioari lotutako balio-katea, bai eta euskal mahastizaintza eta ardogintzaren sektorea ere, iraunkortasunaren arloko erreferente gisa:

• “Euskadi Sustainable Tuna & Wine Country”
  Uztailaren 16an, Restaurante TXIKITO, Nueva York

Nazioarteko eragileei, hedabideei eta elikagaien sektoreko profesionalei zuzendutako ekitaldi instituzionala. Mahai-inguru zabaldua izango da, Bermeo Tunarekin lotutako kontserba jasangarriekin (Cusumano, Arroyabe, Alakrana, Serrats, Zallo, Campos eta Bolton Food, bere marka estatubatuarrarekin, Wild Planet-ekin) eta Euskadiko edariekin (Sagardoa, Arabako, Bizkaiko eta Gipuzkoako txakolina eta Arabako Errioxako ardoak) uztartzeko koktela izango duena, HAZIrekin izandako lankidetzari esker.

Mahai-inguruan Eusko Jaurlaritzako ordezkariek hatuko dute parte: Arrantza Saileko Ixone Soroa eta Kanpo Harremanetarako Asier Areitio. Baita: Foro Marítimo Vasco-ko Angel Santurtun, Zunibaleko Angel Martínez, AZTIko Marina Santurtun, Bermeo Tunako Ignacio Serrats eta Maitane Leizaola, eta UN Etxeako Aran Acha izango dira.

Topaketaren helburuak hauek dira:
• Bermeo Tunari lotutako balio-katearen nazioarteko onarpena bultzatzea, arrantza arduratsuan eta ekoizpen iraunkorrean lider gisa, bai eta euskal mahastizaintza eta ardogintza sektorearena ere, nekazaritzako ekoizpen iraunkorrean eta kalitatezkoan erreferente gisa.
• Atunaren Iraunkortasunerako Nazioarteko Adierazpena kokatzea.
• Euskal enpresa esportatzaileen eta Estatu Batuetako merkatuko erosle, banatzaile eta preskriptoreen arteko topaketak sustatzea.
• Nazio Batuen ekosistemako funtsezko eragileekin eta jasangarritasun- eta elikadura-politiketan eragina duten erakunde multilateralekin konektatzea.

• HLPF pareko ekitaldia – Nazio Batuak
  Uztailaren 17an, Instituto Cervantes, Nueva York

“Local Transformation for a Global Impact: Sustainable Blue Economy and Multistakeholder Governance to Advance on SDG14” izenburupean, Eusko Jaurlaritzako ordezkariak, Ixone Soroa eta Asier Areitio, Bermeo Tunako Maitane Leizaola eta Ignacio Serrats, AZTIko Marina Santurtún, ZUNIBALeko Angel Martínez, UN Etxeako Aran Acha eta Local2030 Coalition eta Hawaii Green Growth-eko ordezkariak izango dira ekitaldi ofizial honetan.

Ekitaldiak honako gai hauek jorratuko ditu:
• GJH 14ren tokiko inplementazioa.
• Maila anitzeko gobernantza eta gobernantza multiaktorea.
• Itsas baliabideen erabilera iraunkorra.
• Ekonomia urdina eta lurralde-ikuspegi inklusiboak.

Inpaktu globala duten tokiko ekintza-ereduak aurkeztuko dira, eta euskal esperientzia Hawaiiko Local2030 hub-arekin jarriko da elkarrizketan, aliantza berritzaileak, arrantzan praktika iraunkorrak, itsas zientzia, turismo birsortzailea eta erresilientzia sozioekonomikoa nabarmenduz.

Bi ekitaldiek euskal ekosistemak 2030 Agendarekin duen konpromisoa azpimarratzen dute, baita Bermeo eta Euskadiren lidergoa ere ekonomia urdin jasangarria, inklusiboa eta lurraldean ainguratua bultzatzeko.

Misioak AZTI, Zunibal eta Eusko Jaurlaritzaren babesa du.

Informazio gehiagorako: Bermeo Tuna – HLPF side event