Atunaren iraunkortasunari buruzko topaketa birtuala

BTWC-k antolatutako lehen edizio hau, sektore pribatua eta publikoa batzen dituena, guztiz birtuala izango da.
Sektoreko erreferentziazko profesionalek hartuko dute parte, atunaren sektoreko egungo gai garrantzitsuenak jorratzeko.
Izena ematea zabalik dago jada, eta beharrezkoa izango da parte hartzeko.

Bermeo Tuna World Capitalek topaketa birtuala antolatu du datorren maiatzaren 13an, eta bertan, nazioarteko erreferentziazko kolaboratzaileekin batera, atunaren arrantzaren sektorearen gaurkotasunean sakonduko dugu. Helburua: sektorearen iraunkortasuna ikuspegi integral batetik eztabaidatzea.

Ekitaldi honetan, besteak beste, gai hauei buruz hitz egingo dugu: atunaren stocken osasuna, kontsumoaren eta merkataritzaren aurreikuspena, INDNR arrantzaren aurkako borroka eta ziurtagiriek iraunkortasunaren berme gisa duten garrantzia.